唔做月入4萬品酒師 棄買樓延婚事搞美食車

前財政司司長曾俊華在2015/16年度的財政預算案中，提出引入美食車（Food Truck）來港發展。「美食車先導計劃」為期兩年，合共16部車每兩星期輪流在8個景點營運，其中八輛美食車現階段已入最後直路，預計在大年初六（2月2日）正式開業；「七桌子x樺得園」美食車負責人林瑞華指：「依家都唔太緊張，因為申請牌照都好攰，只係想盡快搞好開張。」

愛飲愛食的80後林瑞華（Gordon），早於政府推出「美食車先導計劃」前，已覬覦流動美食車市場，更於丹麥買入美食車並於香港不同的美食節中擺檔營運，「其實我與財爺一樣（受美國電影《Chef》影響），在2年前已經開始構思，想做一部food truck。見到好多小食店都因貴租而結業，（小食）是香港人好需要。」如美食車計劃成功，他希望可成立社企，幫助不同的青年創業，助他們「上車」。

在先導計劃開始前，Gordon已投資逾80萬元買車，指欣賞美食車的流動性，「流動性好高，可以將我的食物帶到不同地方，而唔係焗死喺一個位、一個點。」惟最後未能如願勝出比賽，「當初參賽已經plan咗賣咩食物，同本地啤酒廠合作，但比賽規例原來唔可以賣酒精飲品，我就要從新想過menu。最後輸了比賽，因為食物唔夠好。」

無餐飲經營、但有美食車經驗的Gordon，最後得到勝出隊伍「樺得園」賞識，共同合作經營美食車。樺得園的勝出作品為「黯然銷魂漢堡」，Gordon由頭學起，烤包、煎蛋、炒菜至整豬柳由他一腳踢。他亦花心機及金錢，買入慢煮棒，將已熟的豬肉保持約60度，當客人落單後，即將豬柳煎香，以縮短每個包的製作時間，售價為$68。除了主題包外，他又準備推出「沙嗲豬頸肉意大利包」、「乳豬Bagel」等。

「想喊，因為整咗咁耐，從來都冇試過用咁多心血，投放喺一件事度。」過往為品酒師的他月入逾四萬，生活算安穩；今次甚至放棄買樓、婚都唔結住，亦決意與2位朋友合資超過100萬搞生意，「我差不多打咗十年工，我唔想將來十年都是過著同樣的生活。想話俾香港人知，其實路不是一定要咁樣行，不一定是為搵份工、供層樓，亦可以去嘗試做一些自己想做的事。」

撰文：黎雅婷

攝影：李育明、葉漢華