自家烘培咖啡豆　做批發起家

臨近畢業季節，不少畢業生開始尋找工作，但工作又是否一定要與修讀的本科相關呢？修讀土木工程的 Reeves，在畢業後決定以興趣行先，自己創業做咖啡烘焙師，成立 Coffee Engineering，為不同的 cafe及餐廳供應自家烘焙的咖啡豆，包括巴西、埃塞俄比亞、巴拿馬及哥斯達尼加等。經過 6年的努力，現時每年營業額約 2百萬，成功走出自己的道路。

今年 32歲的 Reeves是 Coffee Engineering的創辦人及咖啡烘焙師，至今已有 6年的烘焙咖啡經驗，「公司嘅主要業務係批發自家製烘焙咖啡豆及開設咖啡知識班；另外，仲會賣沖調咖啡器材，及為想開咖啡店的創業者擔任顧問工作。」

在科技大學修讀土木工程的 Reeves， 09年畢業後沒心於本科發展，「讀完後唔想做工程師，是但搵咗份文職做住先。做咗 1年左右，發現唔鍾意成日坐 office，想朝自己鍾意嘅咖啡呢方面發展，去咗連鎖咖啡店應徵見習咖啡師，學習沖調咖啡嘅技巧。」

學沖咖啡兼創業

Reeves決定以興趣作為自己事業，一早鋪排着創業之路，「喺店內由沖調咖啡慢慢學起，自己又報咗美國大型咖啡協會(SCAA)舉辦嘅杯測師課程，希望盡快提高對咖啡嘅認識。我明白工字不出頭，工作中有學習咖啡店管理、入貨及銷售等營運知識，喺 11年，我決定喺銅鑼灣租個 100呎嘅樓上鋪，開設咖啡店 Coffee Engineering，主打零售自家烘焙咖啡豆及開辦有關咖啡知識嘅 workshop。」

在 Coffee Engineering經營了年多的時間後， Reeves表示收支仍難以平衡，決定轉換經營模式以謀求發展，「樓上鋪人流唔多，做零售真係有難度。當時識到啲 cafe、餐廳嘅店主，佢哋有搵我入烘焙咖啡豆，我諗過不如主力發展批發，走去申請政府嘅小型貸款計劃，借咗 30萬，搬去地方較大嘅九龍灣工業大廈，可以買大烘焙機接啲大單。加上地方大咗，可提升 workshop嘅收生人數，公司生意慢慢有起色。」

一腳踢做起

現時 Coffee Engineering烘焙咖啡豆來自巴西、埃塞俄比亞、巴拿馬及哥斯達尼加等地，供應給牧羊少年咖啡館、 N.O.T cafe等約 20間餐廳及 cafe；另外， Reeves每月開辦 15至 20班咖啡知識 workshop，每年的營業額有 200至 300萬。由 1人公司做起，至現今約有 5、 6名員工，最初 Reeves捱過一段不短的日子，「最初全部都係自己一腳踢，好似送貨、出街搵客及做烘焙工作等，試過接到訂單要 2日後交貨，烘焙咖啡豆到凌晨 2、 3點趕工交貨畀人。」 對於將來的發展路向， Reeves希望個人及公司兩方面同時發展，「嚟緊我會參加更多嘅比賽，拎多啲獎項，畀更多人認識到公司。其實?家競爭大咗，希望建立起公司嘅品牌形象，想喺地鋪開設自家品牌嘅 cafe，店內沖調嘅都係自家烘焙嘅咖啡豆，提供一條龍式嘅服務。」