好難食牛肉麵奇招吸客

早上十一時許，記者來到食店門前，閘門關上，鄰近的魚檔檔主見有人在食店前探頭探腦便說：「唔知幾時返喎，（店主）閒雲野鶴咁，鍾意咪開門囉，有時開一陣又收舖，好似唔志在咁！」

約十二時記者再次折返，終得見留有一撮羊咩鬚的店主李恩鑑，街坊都愛稱他「鬍鬚仔」：「咁住喺附近，瞓醒覺咪落嚟開門囉，唔係話完全冇定時間嘅……可能我冇咁緊張午市啩，晚市重要啲！」他笑咪咪地解釋並非完全「唔志在」，因家中有兩名小孩均未滿五歲需要照顧，做廚是為了「搵兩餐」。

製作認真「寧慢莫濫」

現年三十多歲的「鬍鬚仔」，自十多歲起便開始在飲食界打滾的李恩鑑，過去曾開設燒烤店、小食店等，數年前更已開始「搞搞新意思」，於油麻地開設食肆，大賣六十八元平價海鮮放題，提供避風塘炒蟹等菜式，但在競爭激烈下經營三年最終無奈結業。事件啟發了他，現時並不講究於旺區選舖，反而選偏僻位置開業，製作特色餐牌。以「奇招」吸客至今一年多，生意已有所增長，「都有好多人係揸車過嚟食架，唔搞呢啲（奇招）可能執咗啦。」

被問及為何會出現「三不招待」告示，「鬍鬚仔」指從事多年飲食業，遇過好多麻煩客，「有啲人買滷水時話樣樣要啲，到剪好曬收錢時又嫌貴話唔要！」告示是否有效趕走麻煩客？「鬍鬚仔」指貼出告示至今，可完全符合告示上三個要求的客人，其實只在十個以內。

店主「寸寸貢」，但為何該店每逢假日及晚市都做唔停？「人哋話我寸，我都真係寸，但我都好老實，啲食物未夠火候我就點都唔會賣畀人。」「鬍鬚仔」堅持食物製作要認真，「寧慢莫濫」，批評現時香港所謂特色食物質素參差，反觀台灣食物則以用心製作取勝，「咁耐以嚟未有人話過我啲牛肉麵真係難食！」而店名取名「九米香」亦充分表現「鬍鬚仔」的「寸嘴」個性，「其實以前做車仔檔時，街坊話好遠都聞到好香，話喺九里外都聞到咁香，不過自己諗都係謙虛啲好，九米就算啦！ 」